منتدى الصحوه



 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 اشعار صلاح شاهين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
smsm
عضو جديد
عضو جديد


عدد الرسائل : 6
تاريخ التسجيل : 10/07/2008

مُساهمةموضوع: اشعار صلاح شاهين   الأحد يوليو 13, 2008 12:54 pm

اشعار صلاح شاهين
من سمسم
بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت .. قارب نجاة
قالوا مفيش
غير بس هو الحب قارب نجاه
عجبي !!!
***
فارس وحيد جوه الدروع الحديد
رفرف عليه عصفور وقال له نشيد
منين .. منين.. و لفين لفين .. يا جدع
قال من بعيد و لسه رايح بعيد
عجبي !!!
مرات أفوق و يحل عني غبايا
و أفتكر إني فهمت كل الخبايا
و افتح شفايفي عشان أقول الدرر
ما قولش غير حبة غزل في الصبايا
و عجبي.
..
يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!

أنا قلبي كان شخشيخة أصبح جرس
جلجلت بيه صحيوا الخدم والحرس
انا المهرج , خفتوا ليه, قمتوا ليه
لا في ايدي سيف ولا تحت مني فرس
وعجبي

ولدي نصحتك لما صوتي اتنبح
..
ما تخافش من جني ولا من شبح ..
وان هب فيك عفريت قتيل اساله ..
ما دافعش ليه عن نفسه يوم ما اندبح ..
وعجبي

يأسك وصبرك بين ايديك وانت حر
تيأس ما تيأس الحياة راح تمر
أنا دقت من دة ومن دة وعجبي لقيت
الصبر مر وبرضه اليأس مر
عجبي

علي بــعد ملـــيون مــيل من أرضنا
من الفــراغ الــكوني بصــيت أنـا
لا شفت فرق ما بين جبال و بحور
ولا شفت فرق ما بين عذاب أو هنا
عجبي


أنا كل يوم أسمع .. فلان عذبوه
أسرح ف بغداد والجزاير واتوه
ما أعجبش م اللي يطيق بجسمه العذاب
وأعجب من اللي يطيق يعذب أخوه
عجبي!!

أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!

انا كل يوم أسمع ........ فلان عذبوه
أسرح في بغداد و الجزاير واتوه
ما أعجبش م اللي يطيق بجسمه العذاب
و اعجب من اللي يطيق يعذب أخوه
عجبي !!!

يا طير يا عالي في الســــــما طظ فيك
ما تفتكرشي ربنا مصطــــــــــــــــفيك
برضـــــــــــك بتاكل دود و للطين تعًًًًودً
تمـــــــــص فيه يا حلو .. و يمص فيك
عجبي !!!

يا عندليب ماتخافش من غنوتك
قول شكوتك و احكي عن بلوتك
الغنوة مش هتموتك إنما
كتم الغنا هو اللي هيموتك
!عجبي
**************************************
يا للي بتبحث عن إله تعبده
بحث الغريق عن أي شيء ينجده
الله جميل و عليم و رحمن رحيم
إحمل صفاته ... و انت راح توجده
!عجبي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سما
عضو جديد
عضو جديد
avatar

عدد الرسائل : 28
تاريخ التسجيل : 23/07/2008

مُساهمةموضوع: رد: اشعار صلاح شاهين   الأربعاء يوليو 23, 2008 8:40 am

قفقفغ قفقفغ قفقفغ
تنمتن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نورا
عضو جديد
عضو جديد
avatar

عدد الرسائل : 12
تاريخ التسجيل : 26/07/2008

مُساهمةموضوع: رد: اشعار صلاح شاهين   السبت يوليو 26, 2008 3:11 pm

تنمتن ياسمسم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اشعار صلاح شاهين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الصحوه :: منتدى الادب الاسلامى :: الشعر-
انتقل الى: